Тілдерді қолдану мен дамытудың 2011-2020 жылдарға арналған
мемлекеттік бағдарламасы жұртшылық талқысына ұсынылды

Үкімет басшысының сөзімен ашылған жиында ҚР Мәдениет министрі Мұхтар Құл-Мұхаммед баяндама жасады. Өз баяндамасында министр алдағы 2011-2020 жылдардағы онжылдық кезеңге тіл саясатын жүргізудің логикасы еліміздің қоғамдық-саяси тұрақтылығына елеулі қауіп-қатер әкелуі мүмкіндігін, бірқатар проблемалық мәселелердің әлі де болса сақталып отырғандығын тілге тиек етті. – Ең алдымен, бұл – қоғамдағы мемлекеттік тілді меңгеру деңгейінің әркезділігі, екіншіден – елде қоғамдық-саяси өмірге мемлекеттік тілдің әлі де болса баяулау енгізілуі. Үшіншіден – тіл мәдениетінің төмендеп бара жатқандығы, төртіншіден – шетел тілдерін меңгерудің баяулығы, – деді М.Құл-Мұхаммед.

жалғасы »

Туризм және спорт министрлігінің реформалары мен ұсыныстары жергілікті биліктің, басқа ведомстволардың деңгейінде орындалмай жатады. Көбіне аумақтың әлеуметтік-экономикалық мәселелеріне баса назар аударатын жергілікті әкімдер, бұқараның бойына салауатты өмір салтын сіңіруге келгенде сұлық. Бұқаралық спорт халық арасында насихаттауды жөн көрмейтін болар, мәселе көтеруге құлық танытпайды. Ал министрліктің болса, жергілікті органдарға ұсыныс айтудан басқа шарасы жоқ.
…Елімізде 25 мыңнан астам спорттық кешен бар болса, солардың басым бөлігі ірі мегаполистерде орналасқан. Ал қалған аймақтар, анық айтқанда шалғайдағы аудан-ауылдардағы жұртшылық теннис корттары, баскетбол алаңдары мен спорттық аула клубтарынан мүлдем мақұрым, – дейді Қазақстан Республикасы Туризм және спорт министрлігі Спорт комитетінің төрағасы Елсияр Қанағатов журналистерге берген сұхбатында.

жалғасы »

– дейді, Кәсіпқой бокстан Әлем чемпионы Бейбіт Шүменовтің әкесі Әмірхан Бекжанұлы.
23 шілде қазақтың кәсіпқой боксында тағы бір қуанышты жайт орын алды. Сол күні кәсіпқой бокста 2005 жылдан тер төгіп жүрген, WВO Asіa Pacіfіc, WBC Asіan Boxіng Councіl, PABA және WBA тұжырымы бойынша Әлем чемпионы Бейбіт Шүменов өз атағын украиналық Вячеслав Узелковтан қорғап қалды. WBA тұжырымы бойынша өткен 12 раундтық бәсекеде 79,4 келіде өнер көрсеткен жерлесіміз айқын басымдықпен жеңіске жетті. Бұл күндері мұхит асып АҚШ-тың Лас-Вегас штатында жүрген боксшымен әңгімелесе алмағанымызбен, Бейбіттің әкесі Әмірхан Шүменовпен тілдесудің сәті түсті.

жалғасы »

Студенттік өмір. Тек бір емтиханнан келесі емтиханға дейін өлместің күнін көру ғана емес, сөзсіз махаббаттың да шағы. Бес жыл бойы аштықтық пен тоқтықты бастан кешірген жатақхана тұрғындарының арасында бір-біріне шынайы достық сезімі оянады. Тіпті ол сезім махаббатқа ұштасып, заңды некеге тұруға ұласады. Дегенмен, кез келген бойжеткеннің студент жігітке тұрмысқа шығуға келісе бермесі анық. Студент отбасын құру жайлы әңгіме болғанда, міндетті түрде «Қайда тұрамыз? Қалай күн көреміз? Дүниеге келген перзентке кім қарайды? Сабақ не болады?» деген бірқатар сұрақтардың тууы қалыпты жағдай. Әрине, ата-анасы демеулік ететін болса, әңгіме бөлек. Мен қарапайым студенттерше, яғни жатақханада тұратын (егер жатақханадан бөлме ала алса), шәкіртақыға күн көретін студент одағы туралы айтып отырмын. Мұндай отбасылар бар, сіз сенсеңіз де, сенбесеңіз де. Мысалы, «Астана» медицина университетінің 9 қабатты жатақханасының тұрғындары – Жандос Мейірманов пен Малика Утаеваны алсақ. Отбасын өткен жылы құрған жұптың қазір Жандияр деген ұлы бар. Екеуінің бас қосуына осы жатақхана себепкер, осында тұрғанда танысыпты. «Мен ұлдармен, Малика қыздармен тұратын әрі екеуміз де «Жалпы медицина» мамандығы бойынша білім аламыз. Осылайша бір-бірімізге көңіліміз түсіп, тұрмыс құрдық. Қиындықтың күтіп тұрғанын екеуміз де сезетінбіз, дегенмен ортақтасуға бел будық, – дейді Жандос.

жалғасы »

Заман ағымына сай қазіргі студенттің өмірі үнемі қозғалысты қажет етеді. Ал таңертеңнен сабаққа асығатын Астана студенті оқу орны жақын болса ақшасын үнемдеп, жаяу жүгіреді. Институт немесе университет алыс болса, қимай-қимай қалтасындағы барын қағып, немесе бірі екіншісінен қарыз алып, жолақының толық құнын төлеп, автобусқа мінеді. Сөйтіп, оқу орнына әупірімдеп жетеді. Ол ол ма, елордадағы жоғары сынып оқушыларына да жеңілдік жасалмаған. Ау, еліміздің бас қаласы, бөтен ел-жұртқа мақтанышпен көрсететін әсем астанамыз студенттер мен жоғары сынып оқушыларына неге мұнша қатыгездік танытады? Қазақстанның өзге қалаларында жолақының жарты құнын төлеп жүретін құрбы-құрдастарынан астаналық студенттердің несі кем? Онсыз да жартықұрсақ студент жастарға қала басшылығы жеңілдік жасауға неге қарсы? Неге бұл мәселеге келгенде халық қалаулылары да жұмған ауыздарын ашпайды? «Астанада студенттер жолақысын жеңілдетуге болмайды, олай етсе, жолаушылар тасымалымен айналысатын автопарктердің жағдайы нашарлап, шығынға батады» деген қатып қалған догманы ел ағалары қолға алып, саралап, тұйықтан шығудың жолын неге іздемейді? Айта берсе сауал көп.

жалғасы »