Өткен аптада «Ақтөбе» командасы биылғы еуролига маусымының ең соңғы ойынын өткізді. «Еуропа Лигасының» 4-ші іріктеу сынында азулы Голландия чемпионы «АЗ» командасына тап болған ақтөбеліктер түзде 0:2 есебімен жеңіліп, өз алаңында Мұрат Тілешов соққан екі доптың арқасында 2:1 есебімен жеңіске жетті. Алайда, бұл жеңіс Владимир Мұқанов шәкірттеріне еуро турнирдің топтық кезеңіне шығуына жеткіліксіз болды. Осылайша, «Ақтөбе» биыл еуро турнирді әдеттегідей ерте аяқтады. Ойын соңынан кейін бас бапкер Владимир Мұқановты және команданың бірнеше ойыншысын сөзге тартудың сәті түскен еді. Сол сұхбатты оқырман назарына ұсынып отырмыз.
жалғасы »
Қазақстандағы гольфтың даму деңгейін бокс, күрес, ауыр атлетика сияқты спорт түрлерімен салыстыруға келмейтіні анық. Алайда, соңғы жылдары қалтасы қалың демеушілері мен насихатшылары табылған гольф спорты айтарлықтай қанат жая бастады. Жуырда елордадағы «Астана» гольф клубында «Астана» журналының жүлдесін сарапқа салған турнирдің өткені осы сөзіміздің дәлелі. Ата заңымыздың 15 жылдығына орайластырылған спорт сайысында еліміздегі ең мықты 11 ойыншысы бақ сынады. Ойын барысында бас жүлдені гольф-тан халықаралық дәрежедегі спорт шебері Хуснулла Гумаров жеңіп алды. Екінші орынды Асқар Әбішев иеленсе, үшінші орын Ибрагим Тагашевтің еншісіне тиді. Димаш Досанов, Армен Хачатрян, Ален Таңатаров сынды жас ойыншылар «Астана» журналы және «Астана» гольф-клубы тағайындаған арнаулы жүлделерді қанжығаларына байлады.
жалғасы »
12 күн бойы Сингапурда жалауы желбіреген жасөспірімдер арасындағы I Олимпиада ойындарының да көмбесі көріне бастады. Енді жеткіншектер арасындағы дүбірлі доданың алауы сөнеді. Олимпиада біздің жасөспірімдеріміз үшін сәтті басталып еді. Алайда, өткен бейсенбіден бері спортшыларымыздың бақтары жанар емес. Бірақ аптаның сенбісі әсерлі басталды. Дәл сол күні Сингапурдағы Қазақстан делегациясының штабында салтанатты жиын өтіп, онда еліміздің Парламент Сенатының спикері Қасымжомарт Тоқаевтың жасөспірімдер арасындағы тұңғыш Олимпиада ойындарының алғашқы чемпионы Жәнібек Қандыбаевтың атына жіберілген құттықтау хаты оқылды. Құттықтау хатта жас спотшының бүкіл Қазақстан халқын қуанышқа бөлеген жайында жазылыпты.
жалғасы »
Өткен аптада Ақтаудағы «Каспий» спорт кешенінде қазақ боксының іргесін қалаушы Шоқыр Бөлтекұлын еске түсіруге арналған халықаралық турнир өз мәресіне жетті. Әзірбайжан, Түрікменстан, Сирия, Қытай, Ресей, Украина, Қырғызстан, Молдова және Өзбекстанның былғары қолғап шеберлері қатысқан жарысқа Қазақстанның бірқатар аймағынан келген жуан жұдырықты жігіттер де күш сынасуға ниет білдірді. Осымен бесінші рет өткен дәстүрлі турнирдің жеңімпаздары мен финалистерін назарларыңызға ұсынып отырмыз:
жалғасы »
14 тамыз күні Сингапурда жасөспірімдер арасындағы Олимпиада ойындарының алауы тұтанды. 205 мемлекеттен келген 3594 үміткер қазіргі таңда спорттың 29 түрі бойынша бақ сынауда.
Жексенбі күні, яғни жарыстың алғашқы күнінде Қазақ елінің қоржынына қос медаль түсті. Грек-рим күресі бойынша 69 келі салмақ дәрежесінде өнер көрсеткен Жәнібек Қандыбаев төрт белдесудің барлығында жеңіске жетіп, Қазақстанның Әнұранын аспандатты. Осылайша, елордадағы Қажымұқан атындағы спорттағы дарынды балаларға арналған мектеп-интернатты биыл ғана тәмамдаған жас палуан Қазақ спорты тарихында жасөспірімдер арасындағы Олимпиада ойындарының алғашқы жеңімпазы болып тіркелді.
жалғасы »
