Еліміздегі жалпы экспорттың 70 пайызын шикізат құраса, оның 60 пайыздан астамы мұнайдың еншісінде. Яғни, қоржынымыз «қара алтынды» сыртқа сатудан түскен қаражатпен толтырылып келеді. Бүкіл әлемде шикізат бағасының арзандауы Қазақстанның мұнай саласына да өз әсерін тигізді. Енді оның баррелі 40 доллар шамасынан да төмендесе, осы жылы өндіріледі деп жоспарланған 79 млн. тонна 76 млн. тоннаға қысқаруы мүмкін. Тышқан жылының соңында мұнай бағасының құлдырағанын ескерген шенеуніктер бюджетті қайта қарап, шығындарды қысқартып, етек-жеңдерін жинағандай болды. Экономикамыз мұнай құбырының үстінде «отырғандықтан» да солай жасауға мәжбүрміз.
Ен байлықтан түскен табыстан халық «үріп ішіп, шайқап төгіп» жатпаса да, оның қазақстандықтардың әл-ауқаты мен тұрмысына әсері бары рас. Ал егер, мұнайымыз мүлдем болмаса қайтпекпіз? Қай саланы дамыту арқылы мұнай экспортына тәуелділіктен құтыла аламыз? Мұнайдың орнын алмастыратын балама энергия көзі бар ма? Бүгін біз бірқатар сарапшылар мен мамандардың пікірлерін ортаға сала отырып, Қазақстанның болашағын мұнайсыз елестетіп көріп едік. Сонымен… жалғасы »

- Ұлттық валютамыздың қазіргі уақыттағы жағдайы қандай және алдағы тағдыры не болмақ? Теңгенің құнсыздануы қай шамада тоқтайды?
- Девальвация жасауға қажеттілік туғандықтан, Ұлттық банк басшылығы осындай шешім қабылдады. Ол экономиканы тұрақтандыру мақсатында жасалып отыр. Үкімет шетелдік валютаны күшейту есебінен ұлттық валютаны арзандатуға жол берді. Бұл - дұрыс қабылданған шешім.
Мұның дұрыс болатын себебі, біздің отандық өндірушілердің өнімі бәсекеге қабілетті емес. Қазіргі уақытта барлық сыртқы түсімдер металл мен мұнайды сатудан түсуде. Ал енді мұнай теңгенің төмендігі есебінен долларға көшіргенде арзан болып шығады. Бұл - тиімсіз. Сондықтан біз не істедік? Долларды қымбаттатып отырмыз. Мұнайды сатқанда өзімізге пайда түсуі керек. Шығарған өніміміз бәсекеге қабілетті болуы тиіс. жалғасы »

«Қара алтын» жерге қаратпайтын сыңайлы

Былтыр «қара алтындағы» қазақстандық үлес екі есеге молайып, Қашаған дауы пайдамызға шешілді. Жоба бойынша келісімге ең тұңғыш рет 1997 жылдың 18 қарашасында қол қойылса, түзетулер бойынша келіссөздер бір жылдан аса уақыт бұрын басталды. Осы мезгіл ішінде өзара түсіністік туралы меморандумдар бірнеше мәрте жасалғаны белгілі. Жаңа құжат еліміз үшін экономикалық жағынан тиімді болып, «ҚазМұнайГаз» компаниясын жобаның ірі қатысушысы деңгейіне көтерді.
Бір Қашағанмен ғана шектелсек, жеткен жетістік олқы түспек. Табысты молайтудың маңызды сатысы - көмірсутегін ақырына дейін өңдеу. жалғасы »

- Азат Тұрлыбекұлы, алдымен шағын кәсіпкер-ліктің дәл қазіргі ахуалына тоқталып өтсеңіз. Министрліктегілердің сөзіне сенсек, бизнестің «бағы жана түскен» секілді, шынымен солай ма?..
- Шағын бизнестің жағдайы алаңдатарлықтай. Оны еліміздің барлық аймақтарынан келіп жатқан ақпараттарға сүйеніп айтып отырмын. Бірақ, осы жерде парадокс туғызып отырған мынадай жайт бар. Егер Индустрия және сауда министрлігінің мәліметтеріне қарасақ, шағын кәсіпкерлік өркен жайып келеді, оның ішінде тауар өндіру мен қызмет көрсетуде де айтарлықтай өсім байқалады. Олардың айтуынша, тіпті, кәсіпкерлік субъектілері миллионға жақындап қалыпты (!). Әсте, олар бұл көрсеткіштерді өткен жылдың сәйкес кезеңімен салыстырып айтып отырған болар. Алайда дағдарыс 2007 жылдың күзіне таман өрши түсті ғой. жалғасы »

Еліміздегі шағын және орта кәсіпкерлікті көтеру үшін жасалып жатқан жұмыс аз емес. Алдағы уақытта да осы саланы дамытуға мемлекет қомақты қаржы құймақшы. Өйткені бүгінгі таңда бизнес секторын «гүлдендіру» мемлекет алдында тұрған негізгі міндеттердің біріне айналды. жалғасы »