Жазғы демалысымды аяқтап, Семейден Астанаға келген бетім сол еді, қалта телефоным безілдеп қоя берді. Көтерсем, факультеттің деканы Шолпан Құзарқызы екен. Сөзді көп созбай, менің 18 тамыз күні ректормен бірге Ереванға іссапарға баратынымды жеткізді. Содан кейін проректор Лаура Алтайқызы, халықаралық бөлімнің қызметкерлері бірінен соң бірі телефон шалып, тез ректоратқа жетуімді өтінді. Барсам, іссапар құжатым да, ұшаққа билетім де дайын екен. Таңғы сағат 05.00-де Мәскеу арқылы Арменияға ұшатын болыппыз. Содан не керек, тез жолға жиналып, түнгі сағат 03.00-де сапарласым, Әлеуметтік ғылымдар факультетінің деканы Зиябек Қабылдиновпен бірге алып-ұшып әуежайға жеттік. Сол жерде ректорымыз Бақытжан Әбдірайым мырзамен кездесіп, ұшаққа міндік. Бара жатқан сапарымыздың мақсаты – Л.Н.Гумилев атындағы Еуразия ұлттық университеті Қазақстанның Армениядағы елшілігімен бірлесіп, Ереван Мемлекеттік университетінде «Қазақ тілі мен тарихы және мәдениеті орталығын» ашпақ. Орталықты кітаптармен және қазіргі заманға сай техникалық құралдармен біздің университет жабдықтапты. Сол салтанатты шарада мен қазақтың дәстүрін көрсетіп, домбырамен арнау айтуға тиіспін.

жалғасы »

Бүгінде дүниежүзі бойынша туризмнен түсетін табыс мұнайдан кейінгі екінші орында. Қазақстанның тамаша табиғаты, танымды тарихы туристiк нысандарды ұтымды пайдалануға мүмкiндік берері сөзсіз. Әсіресе, қазақтың сайын сахарасы – Баянауыл, Бурабай, Алакөл, Алтай мен Алатаудың бөктері, Көкшенің сексен көлі, Екі дүние есігі – Түркістан, Ұлы Жібек жолының бойы – қазақ жерінің болашағына үлкен капитал әкелетін орындар.

жалғасы »

Шілденің шырайлы күні жетіп, демалысын алған жастар ендігі жос-парын қайда барып демалуға жасайды. Әрине, қалтадағы қаражатқа қарай қыдырғысы келетін жастар өздеріне ыңғайлы жағын таңдайтыны сөзсіз. Сауалнама жүргізгенімізде, жастардың көбі Түркияға, сосын Біріккен Араб Әмірлігіне барғысы келетінін байқадық. Одан қала берді, жастар назарынан Қытай және Франция, Испания, Египет сынды Батыс елдері де қалыспайды екен. Шетелдің көрікті жерлерінен артық болмаса кем түспейтін Бурабайға барғысы келетін жас та кемде-кем. Студенттер жағы ауылға барып ата-анасына көмектескенді жөн санайтын көрінеді. Сонымен…

жалғасы »

Айшықты келбетімен әлем назарын аударған Астанаға туристерді тартудың тағы бір сәті түскелі тұр. Ақ Азиада қарсаңында елордада өтетін «Astana Leisure 2010» туристік көрмесі 60-қа жуық компанияны құшақ жая қарсы алады. Олар Бразилия, Италия, Қытай, Малайзия, Біріккен Араб Әмірлігі, Ресей, Тайланд, Түркия, Швейцария, Оңтүстік Африка және өзге де елдердің туристік салада еселеп пайда тапқан компания өкілдері. Бұлар қазақстандық көрмеге қатысып қана қоймай, кешегі көшпенді ұрпағының дархан даласымен, көрікті мекенімен, ерке Есілдің бойында отау тіккен жаңа Астанасымен танысады.

жалғасы »

– Әлия Ескермесқызы, соңғы уақытта туризм мамандығын таңдаған студенттер көбейіп келеді. Неліктен?
– Туризм мамандығына сұраныс жоғары екені рас. Себебі жыл өткен сайын шетелде демалып, экзотика іздеген саяхатшылардың саны артуда. Мұндайда туристер көп баратын мекендер табыс көзіне айналады. Ал бұл салада сапалы қызмет көрсете білетін елдердің пайдаға кенелетіні түсінікті. Сондықтан соңғы кезде туризм саласы беделді мамандықтардың қатарына енген. Студенттердің көптеп келуі де содан. Оның үстіне бүгінде жеке туристік фирма ашып, саяхатшыларға жолдама беру арқылы қалта қалыңдатуды отандық мамандар да түсіне бастады. Біздің студенттердің арасында да осындай жеке кәсібін ашқандар аз емес.

жалғасы »