Қазақстанға Латвияның Президенті Валдис Затлерс мемлекеттік сапармен келгенде, екі ел іскер топтары өкілдері қайырлы істің жүзеге асуына мұрындық болды. Латыштың M.A.R.I.D.I. компаниясы мен «ҚазМұнайГаз» ҰК» АҚ «Қызметкерлерді дамытудың бірыңғай орталығы» арасында ынтымақтастық жөніндегі келісімге қол қойылды. M.A.R.I.D.I. қазақ жеріне үкілеп алып келген «Орыстілділерге арналған қазақ тілі» жобасының мақсаты сүйіншілеуге лайықты, ол - мемлекеттік тілдің мәртебесін көтеру.
«Қызметкерлерді дамытудың бірыңғай орталығы» шетелдік компания ұсынған бағдарламаның қазақы ортаға бейімделіп, тіл үйренушілердің құлағына сіңісті болуы мәселесін қамтамасыз етсе, латыш компаниясы аталған өнімнің негізін өзі әзірлейді. Екі жақ бірлесе дайындаған жобаның жалпы қазақстандық нұсқасы бойынша нақты іске кірісуге жарты жылдан аса уақыт керек.  жалғасы »

Дүкен сөрелерінде самсап тұрған қара уылдырық пен қызыл уылдырықтың бағасы бас айналдырады. Жүз грамының өзі 500-1000 теңгенің о жақ, бұ жағындағы осы тауарға аузының суы құритындар көп. Бұл байлардың ғана қалтасына лайықты баға. Қара халықтың дастарқанынан емге таппайсың. Түсіне де кірмейді.
Құнары мол, дәруменге бай бұл тағам түрінің келешекте қат тауарға айналар түрі бар. Әлем бойынша саудаға шығатын қара уылдырықтың 56 пайызы Каспий теңізінен алынады. Оның ішінде де бекіре тұқымдас балықтардан. Табиғат тазалықшыларының дабыл қағатынындай да бар, өйткені соңғы он жылдың көлемінде Каспий теңізіндегі аталған балық түрлері 41,5 пайызға кеміп кеткен. Бекіре тұқымдас балықтарды көбейтіп, өсіріп өндірумен елімізде Атырау балық зауыты ғана айналысады. Нарықтың нар қыспағынан қысылып шыққан зауыт әйтеуір жабылып қалмай, көшке ілесіп келеді. жалғасы »

Дәл осындай атпен ғалым-журналист Қуандық Шамахайұлының монографиясы жарық көрді.
Расында Одақтың орамынан шыққаннан кейін баспасөздегі мақалалардың тақырыбы, мазмұны бұрынғыдан мүлде өзгеше бағытқа бет бұрды. Цензура әлдеқашан жойылған, бұрынғыдай күнделікті қадағалап, бағдар сілтеп отыратын Орталық комитет келмес-ке кеткен. «Мызғымас» деп мадақталып келген Кеңес одағы қираған. жалғасы »

Еліміздің ақпарат кеңістігі бүгінде сан жағынан аздық етіп отырған жоқ. Соған қарамастан баспасөз дүңгіршектеріндегі қаптаған ресейлік басылымдардың арасынан қазақ газетін көрсек, топ ортасынан туған бауырымызды тапқандай тұра ұмтылып жатамыз. Мұның өзі ана тіліміздегі ақпаратқа әлі де болса шөліркеп жүргендігімізді аңғартады. Сондықтан болар, қазақ тілінде жарық көрген қандай да бір жаңа басылымды оқырман қауым қалт жібермейді. жалғасы »

Ата-әжесінен ертегі тыңдаған, әдеби кітаптарды жастанып өскен аға буын сөйлегенде қызыл тілдің майын тамызады. Ал қазіргі балалардың екі сөздің басын құрай алмай тілі күрмеліп, күмілжіп тұруы компьютер мен теледидарды тел еміп өскендіктің кесірі дейді психологтар. Сондай-ақ психолог мамандардың пайымдауынша, жеткіншектердің қолымен жасалып жатқан қылмыс, бір-біріне деген қатыгездік, өшпенділік сияқты сұмдықтардың бәрі төрдегі «темір жәшіктен» жұғуда. жалғасы »