Жігіттерді жігерлендіру
Әскери борышты өтеу – әр жігіттің әу бастағы арманы ғой. Бірақ, арман шіркіннің асау аттай жалт беретін сәттері де аз емес. Содан да болар, қанша жігіттің асыл арманы желге ұшып, қанша үміті жер құшты. Қанша азамат қару асынып қатарластарымен бір сапта тұра алмай қынжылса, сан бала сарбаз атана алмай сан соғып қала берді. «Майтабандар» молайып, «отсрочка» сұрағандар сиремеді. Қылмыс пен қиындық қыспаққа алған сол тұста қазақ армиясына қара домалағын аттандыруға ата-аналар да құлықсыздық танытты. Кей мәселелерге тікелей өздері «килігіп», бала күнінен солдат боламын деп өскен баласының балаң қиялына «қиянат» жасады. Оған отбасындағы, қала берді жалпы қоғамымызда орын алған белгілі-белгісіз жайттардың әсері болғандығын әспеттеп жатудың өзі – артықтау. Балалы-шағалы болып, қызметке араласып кеткендер де әскер ауылынан әріректеу жүруге тырысты.
жалғасы »
26-29 мамыр аралығында Астанада бірінші қару-жарақ және әскери-техникалық мүлік халықаралық көрмесі өтті. «КАDEX-2010» деп аталатын бұл көрмені Қазақстан Республикасы Қорғаныс министрлігі ұйымдастырған. Ал көрмеге қатысушыларды орын-орындарына жайғастырған – «Астана-Экспо КС» көрме компаниясы.
жалғасы »
Өткен аптада Арал және Сырдария аудандарынан 50 қария Астанаға келді. Ал бұған дейін дәстүр бойынша елордаға Қармақшы, Қазалы және Қызылорда қаласының қариялары қонақ болып қайтқан-ды. Жалпы бас қаламызға саяхатқа Қызылорда облысындағы ардагерлер мен Батыр аналарынан құралған 300 адам 50 делегаттан 6 рет сапар шегетін болады.
жалғасы »
7 мамыр – ҚР Қарулы Күштері күні мереке қарсаңында біз 66865 десанттық шабуылдаушы бригадасында болып, әскер өмірімен танысқан едік.
Таңғы 6:30. Сержанттың «взвод, подъем!» деген дауысы естіле салысымен 18 жауынгер дереу төсектен тұрып, тез-тез киінді. Уақыт санаулы, мен үлгеріңкіремей сапқа сәл кешігіңкіреп жеттім. Алайда, «молодой» болғандықтан аға сержант Талғат Кетебаев маған кешіріммен қарады. Бірінші, екінші, бірінші, екінші… Өстіп бір түгелденіп алғаннан соң таңғы салқынмен жүгіріп кеттік. Алдымызда сержант. Оның ізімен біз де ілесіп келеміз. Жарты сағат бойы айнала жүгірудеміз. Бітетін түрі жоқ. Қатарды бұзсаң тағы болмайды. Жайбарақат тірлікке үйренген маған таңертеңгі жарты сағаттық жаттығу оңайға соқпады. Бірақ сыр бермедім. Әйтеуір бітті-ау. Оһ! Таңғы жаттығудан кейін, жуынуға кірістік. Бізге тиесілі 4 қолжуғыш бар екен. Мені «қонақ» ретінде сыйлап, жуынуға бірінші «потокпен» кіргізді. Сосын төсек-орындарды сымдай тартып жинап, жүрек жалғау үшін таңғы асқа асханаға беттедік.
жалғасы »
Ұлыбританияның «Сэндхерст» Корольдік Әскери академиясын тәмамдаған Президент немересі Айсұлтан Назарбаев Қазақстан Қарулы күштерінің қатарында қызмет етуге дайын.
жалғасы »
