Төмендеп ұшқан текті құс,
Ұмытпай бізді көріп тұр.
Ұя салып кетер үйіме
Бір қарлығаш керек болып тұр.
Айбек

жалғасы »

«Оның болмайды!»

Соғыс кезі. Немістер қолға түскен партизаннан жауап алып жатыр.
– Орманда қанша партизан жүр?!
– Білмеймін…
– Айтпасаң, осы жерде дарға асыласың.
– Мен өлімнен қорықпаймын!
– Әр партизанға бір дана жақсы неміс темекісін аласың, қалай?
– Сұмырай, фашист! Жарты пәшке темекіге бүкіл отрядты сатып жібер деп тұрсың ғой. Оның болмайды!..

жалғасы »

Оңтүстік Африка республикасындағы шарап шығаратын ең беделді Groot Constantia деп аталатын шаруашылыққа аяқастынан тап болған павиандар божып, бабына келіп тұрған жүзімге әбден қарық болып, тойғандарынша жеген. Шарап жасауға әзірленген өнім құрамындағы ішімдік уыты қойсын ба, маймылдардың мінез-құлқы бірден өзгеріп, жыртқышқа айналған. Жергілікті жұрт аю павиандар атап кеткен маймылдар шаруашылық аумағындағы тауықтар мен тоты құстарды қырып салған. Тіпті ірі дог тұқымдас иттің да түте-түтесін шығарған көрінеді. Павиандар бұл елде бұрыннан «бұзықтығымен» танылған. Олар топ болып жүріп адамдарға жиі шабуыл жасайды екен, егер үйге кіріп кетсе, бүкіл ыдыстарды қиратып, жиһаздарды бүлдіріп кету, олар үшін түк емес. Ал жоғарыда аталған Groot Constantia – шараптың небір түрін шығаратын бүкіл елге танымал шаруашылық. Мас маймылдар дүниелерін бүлдіріп, қиратып кеткенше ештеңе істей алмаған.

Бразилиялық 14 жасар Элисани Сильва деген қыз тып-тыныш оқып жүрген мектебін еріксіз тастап кетті. Оның себебі – бойының тоқтаусыз өсуі. Қазірдің өзінде қыз баланың бойы 205 сантиметрге жетті. Ол жыл сайын 14 сантиметр қосып келеді. Мамандар Элисаниге көмек көрсете алмай отыр. Бұл – алып ауруы, гипофиз жұмысының бұзылуынан осындай жағдайға душар болған деп, дәрігерлер болашақта оның өміріне қауіп төнуі мүмкін деп ескертуден әрі аса алмауда. Ал ары қарай медициналық тексеру жасатуға ата-анасының қолы қысқа. Элисани өз бойының көптеген ыңғайсыздықтар тудыратынын айтады. Ең аяғы балаларды мектепке апаратын автобусқа отырудың өзі күшке айналған. Дегенмен, баланың аты бала, жас қыз болашақта модель болуды армандайды.

жалғасы »