Мұндай да мейрамханалар бар екен-ау…

Мәселен, Жапонияда ас-суды адамның денесіне құйып беріп қызмет қылатын мейрамхана бар көрінеді. Келген «клиенттің» көңілін табу үшін тірі адамнан табан асты «тарелка» жасап жіберу олар үшін түкке де тұрмайтын тәрізді. Егер солай қарай сапарлай қалсаңыз, сұлу қыздың денесіне сорпа құйып «сыйлайтын» ресторанға соға салыңыз. Бүгінде бұндай қызмет мұхит асып АҚШ-қа да аяқ басқан көрінеді. Ал Аспанасты елінде, нақтылай түссек, Наньцзинде, «нәскиге түскен настрды» ноп-нормально-ақ көтеретін ашу басар мейрамхана ашылыпты. Мұнда кілең мазасы қашқандар мен «жынұрғандар» жиналып, масая бастаған шағында маңайдағы тәрелке-үстелді түгел шағып, қол жеткеннің бәрін қиратып, «ашу басуға» рұхсат алады екен. Тіпті, дәрменіңіз жетсе, даяшыны да дал-дал етіп сабап, тіпті, оған да көнбесеңіз, күжірейген күзетшіні де тепкілеуіңізге еш тыйым жоқ. жалғасы »

Еліміздегі жалпы экспорттың 70 пайызын шикізат құраса, оның 60 пайыздан астамы мұнайдың еншісінде. Яғни, қоржынымыз «қара алтынды» сыртқа сатудан түскен қаражатпен толтырылып келеді. Бүкіл әлемде шикізат бағасының арзандауы Қазақстанның мұнай саласына да өз әсерін тигізді. Енді оның баррелі 40 доллар шамасынан да төмендесе, осы жылы өндіріледі деп жоспарланған 79 млн. тонна 76 млн. тоннаға қысқаруы мүмкін. Тышқан жылының соңында мұнай бағасының құлдырағанын ескерген шенеуніктер бюджетті қайта қарап, шығындарды қысқартып, етек-жеңдерін жинағандай болды. Экономикамыз мұнай құбырының үстінде «отырғандықтан» да солай жасауға мәжбүрміз.
Ен байлықтан түскен табыстан халық «үріп ішіп, шайқап төгіп» жатпаса да, оның қазақстандықтардың әл-ауқаты мен тұрмысына әсері бары рас. Ал егер, мұнайымыз мүлдем болмаса қайтпекпіз? Қай саланы дамыту арқылы мұнай экспортына тәуелділіктен құтыла аламыз? Мұнайдың орнын алмастыратын балама энергия көзі бар ма? Бүгін біз бірқатар сарапшылар мен мамандардың пікірлерін ортаға сала отырып, Қазақстанның болашағын мұнайсыз елестетіп көріп едік. Сонымен… жалғасы »

Алдымен саңырауқұлақ тере барған бір кісінің шалғын арасында бет-аузы адам танығысыз күйде мәйітті тапқаны туралы жедел хабар келіп түскен. Оқиға орнына келген Астана қалалық ІІБ жеке тұлғаларға қарсы күрес бөлімінің уәкілдері «мылқау өлімге» кез болғандарын пайымдады. Мәйіттің қалтасынан жеке басын куәландыратын бірде-бір құжат табылмаған. Табылған мәйітке ұқсас адамға іздестіру де жарияланбаған еді.
Өлім қасақана жасалғаны көрініп тұрды. Кездейсоқ өлім болса, мәйіттің мойнындағы қылдай сызықтың сыры қандай?

жалғасы »

- Әбдулқайым аға, сырттағы есімі елге белгілі зиялы қандасымыздың бірісіз. Дегенмен, жалпақ жұртқа өзіңізді тағы бір таныстырудың артықтығы жоқ-ау…
- Саясаттанушы ретінде Түркиядан бастап, Батыс елдерінің бірқатарына барып, зерттеулер жүргіздім. Өзім Стамбул университетінің журналистика факультетін бітіріп, кейін халықаралық қатынастар, саясаттану саласында білімімді жалғастырдым. 1995 жылға дейін Германияда «Азаттық» радиосында жұмыс істедім. Түрік университетінде кафедра меңгерушілігін атқардым. Біраз уақыт неміс университеттерінде дәріс оқыдым.
Германияның Мюнхен қаласында тұрамын. Қазірде қоғамдық жұмыстармен айналысудамын. жалғасы »

ЖАСТАР ТӘРБИЕСІНІҢ ЖАНДЫ МӘСЕЛЕЛЕРІН ОРТАҒА САЛДЫ

Ұрпақ тәрбиесі - қай заманда да күн тәртібінен түспеген келелі мәселелер. Ол бүгін де күйіп тұр. ҚР Ғылым және білім министрлігінің мұрындық болуымен С.Торайғыров атындағы Павлодар мемлекеттік университетінде ұйымдастырылған «Жоғары оқу орындарындағы тәрбие жұмыстарының жаңа формалары мен механизмдері» атты семинар-кеңес жастар проблемасындағы салмақты түйткілдерді таразыға тартты. Республика жоғары оқу орындарының тәрбие жұмыстары жөніндегі проректорлары мен Қазақстан халқы Ассамблеясы өкілдерінің, сондай-ақ жастар ұйымдары жетекшілерінің қатысуымен өткен маңызды отырыс қоғамдағы «тайғанақтап» тұрған жастар тақырыбының өзекті тінін тап басты. жалғасы »