– 1985 жылы ҚазМУ-дің журналистика факультетіне оқуға түскеннен кейін танысып, қоян-қолтық араласып, достасып кеткен талай ақ жүректі жігіттердің ішінен, мен үшін Мартбек Тоқмырзаның орны ерекше еді. Қашан көрсем де жүзі жарқырап, көзі күлімдеп жүретін Мартбектің біреуге қабақ шытып ренжігенін немесе өкпелегенін өмірімде көрмеппін. Аяулы да абзал досымызды қара жердің қойнына тапсырғанымызға да күн артынан күн өтіп барады. Таяуда туған-туыстары мен достары Мартбектің басын көтеріп, күмбез тамын тұрғызып қайтты.

жалғасы »

«Шашына ақ бантик байлаған» балауса қыздар мен бозбалалар кеше үш айға созылған демалыстан кейін қоңырау сыңғырымен қайта қауышу үшін мектепке аттанды. Таусылып бітпейтін тоғыз ай бойы партаға байланып, білім нәрімен сусындау азабы да, ғажабы да көп дәурен. Содан да болар, 1 қыркүйек – әркім үшін де ыстық.

жалғасы »

Күнделікті тарих – бүгінгі әлемдік тарих ғылымында үлкен қызығушылық туғызып отырған бағыт. Мәселен, өткен ғасырдың 70-80-жылдарының өзінде күнделікті тарих мәселесімен бір Германия Федеративтік Республикасында 40-қа жуық ғылыми орталық жұмыс істеді. Көрші Ресей елінде күнделікті тарих, интеллектуалды тарих, гендерлік тарих, әлеуметтік тарих сияқты ғылыми бағыттар тарих ғылымын жаңа сатыға алып шығу құралына айналып отыр. Сол сияқты отандық тарих ғылымында бұл аталған бағыттарды өрістету, біріншіден, жаңа әлемдегі тарих ғылымында қабылданған зерттеу әдістемесіне көшуді білдірсе, екіншіден, осы жаңа зерттеу әдісі негізінде жақын орнатуға мүмкіндік туғызады.

жалғасы »

Менімен бірге мектеп бітірген ұландар Комунистік партияның шақыруымен ауыл шаруашылығында екі жыл жұмыс істеп, 1959 жылы жоғары оқу орнына түсуге талаптануда еді. Мен де осы жылы дәрігер болмақшы болып Алматыға келген едім. Бірақ мұның асу бермес қиындығы – шет тілінің сынағы болатын. Шынымды айтсам, неміс тілінен сауатым жоқ. Сол жылдары, құдай қалап, қазақ мектебін бітіргендер сынақты қазақ тілінде тапсыра бастаған. Негізгі пәндер – химия мен физикадан жақсы тапсырып шықтым. Енді орыс тілінен сұқбаттасу, неміс тілінен сынақ қалды. «Тәуекел түбі жел қайық» деп неміс тілінен сынаққа кіріп билет алдым. Алланың сәті болар, жаттап алған «Am tich – за столом» дейтін шағын тақырыптың қолыма түскеніне не дерсіз?! Бұл келмегенде мүлде қараң қалар едім.

жалғасы »

Беделді шетелдік жоғары оқу орындарының студенттері атанған халықаралық олимпиадалардың павлодарлық жүлдегерлері биылғы жылғы ғылыми жарыстардың жеңімпаздарымен «зияткерлік диалог» өткізді. Кездесуде сөз болған басты тақырып – олимпиадалық қозғалыс пен президенттік «Болашақ» бағдарламасы болды.

жалғасы »