Өткен аптада барша қазақстандықтар Жеңістің 64 жылдығын тойлағаны белгілі. 9 мамыр күні елордадағы «Отан қорғаушылар» монументіне еліміздің Президенті Нұрсұлтан Назарбаев та келді. Қобыздың қоңыр да, мұңлы сарынымен Елбасы Нұрсұлтан Әбішұлы Отан қорғау жолында шейіт болғандарға арнап гүл шоғын қойды. Одан әрі бір минуттық үнсіздік жарияланып, батырлар рухына тағзым етілді. жалғасы »

Жақында «Нұр Отан» ХДП Орталық аппаратында «Жас Отан» жастар қанатының ұйымдастыруымен республикалық жастар ұйымдары мен бірлестіктерінің жетекшілері бас қосып, партия съезі алдындағы жастар саясаты төңірегіндегі келелі мәселелерді талқыға салды. Парламент Мәжілісінің өкілдері мен «Жастар мәжілісі», «Қазақстанның жастар Конгресі», Ұлттық Дельфий комитеті», «Қазақстанның Студенттер альянсы», «Жасыл ел», «Есірткісіз болашақ» секілді еліміздегі жастар мәселелерімен тыңғылықты айналысып жүрген қоғамдық ұйымдар мен бірлестік жетекшілері алқақотан отырып, қазіргі таңдағы жастарды толғандырып жүрген проблемаларды бірлесіп шешу жолдарын қарастырумен қатар, бір-бірлерімен жақын танысып, тәжірибе де алмасқан-ды. Бас қосу мәнді мазмұнға толы болды.
Дәл осы жиында Павлодар облысы, Павлодар аудандық ішкі істер бөлімінің учаскелік инспекторы Бауыржан Үмбетовке айрықша құрмет көрсетілді. Ол осы жылдың басында екінің бірінің қолынан келе бермейтін ерекше ерлік көрсетіп, 2-ші дәрежелі «Айбын» орденімен марапатталған-ды. жалғасы »