Халықтың несібесін аузынан жырып әкететін ұры-қарылар мен жемқорлар қай елде де экономиканың жегі құрты. Бүйірден тесіп сорады, іштен ірітіп тынады. «Майлы жіліктің басын» ұстаған үлкенді-кішілі шенеуніктердің көпшілігі қоғам мен мемлекеттен гөрі жеке басының пайдасына көбірек «жаны ауырады». Сан түрлі амал-айламен, жасырын жолдармен ортақ қазынаға құлаштап қол салады.
Қаржыгер Ә.Еркеновтің деректері бойынша, елімізде 2009 жылға дейін бөлінген несиелердің небәрі 4-5 пайызы ғана өндірісті дамытуға жұмсалған. Қалған 96 пайызы әртүрлі алып-сату сияқты күмәнді операцияларға бағытталған. Осының өзінен-ақ Қазақстан экономикалық даму жолында қаншама көлеңкелі кедергілердің бары аңғарылады. жалғасы »

Елордадағы «Еуразия» сауда үйінің сөресінде «Алтын адам» атты арақ сатылып жатқанын көрдік. Әсем құтының ішіне қондырылған Алтын адамның мүсіні шайтан суға мелдектеп тұр. Исі түркі халықтарына ортақ баһадүр бабамызбен «бөтелкелес» болудың құны - 2800 теңге. Көбірек алсаңыз, көтерме бағамен 2500 теңгеге арзанға береді. Қайсар оғыландарының есімін хараммен былғап, бейнесін араққа тұншықтыру қазаққа ғана тән күпірлік шығар. Байқасақ, Алтын адамды араққа тұншықтырған Алматы қаласындағы «Шалқар» ЖШС-ы екен. Саудасын жүргізіп, пайдаға белшесінен бату үшін өз халқының жауһар қазынасын жарнамаға пайдаланудан да тартынбапты. Шөлмектің жапсырма қағазына «Наша водка «Алтын адам», как и в древности, основана на качестве и традициях» деп жазылған. жалғасы »

Еліміздегі жалпы экспорттың 70 пайызын шикізат құраса, оның 60 пайыздан астамы мұнайдың еншісінде. Яғни, қоржынымыз «қара алтынды» сыртқа сатудан түскен қаражатпен толтырылып келеді. Бүкіл әлемде шикізат бағасының арзандауы Қазақстанның мұнай саласына да өз әсерін тигізді. Енді оның баррелі 40 доллар шамасынан да төмендесе, осы жылы өндіріледі деп жоспарланған 79 млн. тонна 76 млн. тоннаға қысқаруы мүмкін. Тышқан жылының соңында мұнай бағасының құлдырағанын ескерген шенеуніктер бюджетті қайта қарап, шығындарды қысқартып, етек-жеңдерін жинағандай болды. Экономикамыз мұнай құбырының үстінде «отырғандықтан» да солай жасауға мәжбүрміз.
Ен байлықтан түскен табыстан халық «үріп ішіп, шайқап төгіп» жатпаса да, оның қазақстандықтардың әл-ауқаты мен тұрмысына әсері бары рас. Ал егер, мұнайымыз мүлдем болмаса қайтпекпіз? Қай саланы дамыту арқылы мұнай экспортына тәуелділіктен құтыла аламыз? Мұнайдың орнын алмастыратын балама энергия көзі бар ма? Бүгін біз бірқатар сарапшылар мен мамандардың пікірлерін ортаға сала отырып, Қазақстанның болашағын мұнайсыз елестетіп көріп едік. Сонымен… жалғасы »

Алдымен саңырауқұлақ тере барған бір кісінің шалғын арасында бет-аузы адам танығысыз күйде мәйітті тапқаны туралы жедел хабар келіп түскен. Оқиға орнына келген Астана қалалық ІІБ жеке тұлғаларға қарсы күрес бөлімінің уәкілдері «мылқау өлімге» кез болғандарын пайымдады. Мәйіттің қалтасынан жеке басын куәландыратын бірде-бір құжат табылмаған. Табылған мәйітке ұқсас адамға іздестіру де жарияланбаған еді.
Өлім қасақана жасалғаны көрініп тұрды. Кездейсоқ өлім болса, мәйіттің мойнындағы қылдай сызықтың сыры қандай?

жалғасы »

Бейжің Олимпиадасында Қазақстанның ауыр атлеттері бұрын-соңды болмаған толағай табысқа қол жеткізді. 1 алтын, 2 күміс, 1 қоланы еншілеген қазақ елі айды аспанға бір-ақ шығарған-ды. Солардың бірі - қоржынымызға күміс медаль салып берген экс-ресейлік Алла Важенинаны елорда шаһарында жолықтырып, аз-кем әңгімеге тартқан едік. жалғасы »