Орыс композиторлары А.Ахматова, М.Цветаева, Е.Евтушенко сияқты ұлы ақындарының өлеңдеріне ән жазып, олардың онсыз да биік тұғырларын одан сайын асқақтатқаны мәлім. Мұндай құрметтен қазақ ақындары да құралақан емес. Қазақ поэзиясындағы Тұманбай Молдағалиев, Қадыр Мырзалиев, Мұхтар Шахановтардың әнмен өрнектелген өлеңдерін топтастырса, әрқайсысы бір-бір кітапқа жүк болары анық. Ақиық ақын Мұқағали Мақатаевтың аударманың албарына сыймайтын асау жырларына ән жазып, талғампаз тыңдармандардың талап үдесінен шыққандар да аз емес. жалғасы »
Бір-екі күн болса да бел жазуға мүмкіндік берген еңбек демалысыма шексіз алғысымды жаудырып, Қырғызстанмен шектесетін тұстағы Қордай өңірінде тұратын нағашымның ауылына тартып кеттім. Жеңіл мәшине жол шетіндегі көзге ілігерді бір нүктеге айналдырып, заулап келеді. Радиодан Сәкен Майғазиевтің орындауындағы Мұхтар Шахановтың «Мен саған ғашық едім» атты әні айтылып жатқан-ды. Егде жүргізушіге «Радиоңыздың дауысын сәл күшейтесіз бе?» деп өтініш айтып едім, бетіме бажырайып бір қарап алып: «Әй, дәу де болса шал-кемпірдің баласысың-ау!.. Әйтпесе, қазіргі жастарың бұларды сұрамақ түгілі…» деп сөзінің аяғын шорт кесе салды да, радиоқабылдағышқа қол созды. Әкемді ойлап отырып жүргізушіге жөнді жауап қатпағаным ән біткенде ғана есіме түсті. Қарадай қысыла бастадым. Бірақ, байқаймын, жүргізуші менен жауап күтпеген де секілді. Қара жолдың қалтарыс-қатпарын қас қақпай бағдарлап, қимылсыз келеді. жалғасы »
«Қыздың көзі – қызылда». Кезінде «үкілі кәмшат, бүрмелі көйлекпен» әсемдігін айқындай түскен арулар бүгінде заманның «заңына» қарай жығылған. Бұрынғы бұрым қиылып, тырнақ ұзарған. Қас жұқарып, кірпік жалғанған. Аруларымыз апта аралатып болса да, сұлулық салонына бас сұғуды әдетке айналдырған. Аттап бассаң, алдыңнан шығатын сұлулық салондарында, шынымен де, қызметтің неше түрі бар. Өз қалауың бойынша шашыңды бояп, ерніңді қалыңдатып, не жіңішкертіп, қасыңды қайта «салғызып» аласың. Жастығыңызды ұрлап, жасыңды әшкерелеген әжіммен қоштасу да қиын емес. Тек ақша мен уақыт тапсаң болғаны. жалғасы »
«…Ал адамдар күліп бастап өмірін, кетерінде жылай да алмай қалады…»
Бөлімi:
Қолтаңба |
Пікір жазылмаған » | Автор:
Редакция
27.08.2009
«Аспандағы жұлдыздың сырын ұғудан гөрі қасыңдағы адамның жанын түсіну әлдеқайда қиын» деген екен Шығыста тұңғыш обсерватория салдырған Ұлықбек. Сол айтылғандай, мен өзімнің жанымда «жарқыраған жұлдыз» жүргенін Ол ағып түскеннен кейін бір-ақ біліппін. Расында, Ол бір қазақтың баласы болып туып, күллі қазақтың баласы болып көз жұмуға жаратылған жан екен. Сұлулыққа іңкәр, көркемдікке құштар Оның өзі де қызға бергісіз көрікті еді ғой… Аппақ параққа маржандай тізілген жазуы қандай көркем еді… Жүрегі ән салып тұратын…
Бірақ…
Тым асығыс еді-ау! «Тез-тезге» салып, бір жерде байыз тауып отыра алмайтыны бәлкім, оның өмірінің өтіп бара жатқанына көрінді ме? Сол асыққан күйі жалғанмен қоштасып кете барды… жалғасы »
– Лия, Бейжің Олимпиадасынан кейін көрінбей кетуіңе не себеп?
– Осыған дейін спортта 15 жыл тер төктім. Құдайға шүкір, біршама жетістікке қол жеткіздім. Үнемі жарыста немесе құрама жаттығуында жүрдім. Сол себепті Олимпиададан кейін бапкерім Бауыржан Төлебаевпен ақылдасып, бір жыл тынығып алайын деп шештім. Құрама бапкері Мақсұт Нәрбаев та қарсы болған жоқ. Жақында Аслан есімді жігітке тұрмысқа шықтым. Көрінбей кетуімнің бірден-бір себебі осы.
– Онда құтты болсын дейміз. Енді жұбайың туралы қысқаша айтып өтсең?
– Аслан атыраулық, ҚазҰУ-дың заң факультетін бітірген. Мамандығы заңгер. Онымен Атырауда таныстық. жалғасы »
