– Жақында ұлты қазақ ресейлік режиссердің жаңа фильм түсіруді аяқтағанынан көпшілік қауым хабардар. Жаңа туындыңыз не туралы?
– Ол «Черная молния» деп аталады. Қазақстандықтар фильмді басқалардан бұрын қызықтай алады. Мен қазақстандық көрерменнің маған деген ықыласына орай, маған артқан сенімін ақтап, жаңажылдық сыйлық жасадым деп ойлаймын.
– Фильм не туралы?
– Оны жаңажылдық ертегі деу орынды болар. Жаңа жылда жұрт естігісі келетін ертегі. Өйткені адамдар Жаңа жылмен бірге келетін кереметті асыға күтеді.
– Фильмде Сіз айтқыңыз келетін басты идея қандай?
– Қарап отырсаңыз, соңғы уақытта біз ұқсағымыз келетін жағымды кино қаһарманын емге таппайтын болдық. «Черная молнияда» «Дневной дозор», «Ночной дозор» фильміндегі қызықты, сиқырлы кеңістіктің жалғасы бар. Мәскеуде, дәл жанымызда кереметтер жүзеге асады. Жақсылық пен зұлымдық екі әлемге бөлініп, белдеседі. Және ол әлем ашық, айқын, жарқыраған түрде берілген. Басты қаһармандар тылсым құдіретке ие бола отырып, өз таңдауын жасауы тиіс: жақсылықтың, не зұлымдықтың жағында қалуы керек. Біз үшін, біздің буынымыз үшін, біз өскен, біз жақсы көрген, біз жан-тәнімізбен сүйген елде сондай бір аяулы ұстанымдар болатын-ды. Біз соны басшылыққа алдық. Ол қарапайым ғана – өзің үшін емес, басқалар үшін өмір сүру. Сен сонымен қуаттысың, ол саған бақыт әкеледі деген ойды айту және осы ой бәрінен де дұрыс.

жалғасы »

Аты аңызға айналған бапкер Альсидес Сагарра бізді Астанадағы Гавана боксшылары түскен қонақүйдің кіреберіс дәлізінде қарсы алды. «Куба боксының атасы» атанған адамның журналистерді күттіріп қоймай, алдымыздан өзі шыққанын кішіпейілдікке баладық. Жалпы, сеньор Сагарраның кескін-келбеті мен киім-киісінен, жүріс-тұрысынан, әлемдік әуесқой бокстағы ең абыройлы адамдардың бірі деп ойлау қиын. Үстінде көнетоздау көрінетін сұрғылт жейде, мойнында алқам-салқам байлай салған шымқай қара галстук, қыры кете бастаған қарапайым шалбар, тіпті иығына пиджагын да ілмеген қалпы. Сөйте тұра, бұл кісіні Дүниежүзілік әуесқой бокс федерациясындағы кез келген мықтыңыз құрақ ұшып қарсы алады. Бокс өнерінің тарихындағы ең беделді, ең табысты жаттықтырушы, Теофило Стивенсон, Феликс Савон сынды саңлақтардың ұстазы испан тілін айтпағанда, ағылшынша мүдірмей сөйлейтіні, тіпті орысша жақсы түсініп, жауап бере алатыны туралы хабардар едік. Алайда, ол өзінің қалыптасқан қағидасы бойынша, журналистермен тек ана тілінде сөйлесетіндіктен, сұхбат барысында тәржімашы қыздың көмегіне жүгінуімізге тура келді.

жалғасы »