Қытай қақпасын қазақ жігіті қорғап жүр
Бөлімi: Сайыпқыран | Пікір жазылмаған » | Автор: Редакция
Атажұрттан жырақта жүрсе де, қазақтың атын аспандатып жүрген оғыландар қатары көбейіп келеді. Аспанасты елі құрамасының сапында өнер көрсететін боксшы, Пекин олимпиадасының жүлдегері Қанат Исламның есімі бүгінде исі қазаққа жақсы таныс. Жақында осы елдегі тағы бір алаш баласымен танысудың сәті түсті. Ержет 20 миллион халық мекендейтін Шыңжаң-Ұйғыр автономиялы ауданы футбол құрамасының сапында өнер көрсетеді. Қытай еліндегі мықты төрт команданың бірі. Елордада өткен халықаралық турнирге ат басын тіреген бауырымыз Ержет Ерзатұлымен болған сүйінші-сұхбатты оқырман назарына ұсынып отырмыз.
– Ержет, «ШҰАР-94» құрамасына қалай тап болдың?
– Мен әу баста шабуылшы болатынмын. 2007 жылы Үрімшіде өлкенің барлық командасынан мықты деген 45 бала 1 ай бойы жаттығу өткіздік. Сондағы іріктелген 5 жас футболшының ішінде мен де бармын. Шыңжаң өлкесіндегі аудандар мен қалалардың футболшылары жылда бас қосып, өзара чемпионат өткізеді. Соған қатысып, тәуір өнер көрсеттік. Артынша Қайрат бапкерім қақпашы болуға икемің бар екен, сені командамыздың «кипері» етейік деп қолқа салды. Бір-екі рет қорғап көріп едім, қолымнан келді.
жалғасы »
